A costa de Loiba constitúe unha auténtica sucesión de monumentos naturais. É este o litoral máis salvaxe do municipio, e tamén o máis descoñecido. O mar esculpiu nesta zona impresionantes acantilados e perforou rochas, dispoñendo unha sorte de covas coñecidas como “furnas”.
Ao seu lado encontramos miradoiros de luxo como o xa famoso Banco de Loiba, o banco máis bonito do mundo, di a inscrición que hai no seu respaldo, praias virxes e lugares curiosos como un embarcadoiro que acaba de ser rehabilitado.
