Esta fervenza natural, de acceso complicado, verte as súas augas directamente ao río Sor. Atópase nas proximidades de Mañón, baixo as redondeadas montañas da Serra de Coriscada.
A Fervenza salva un resalte vertical de granito duns 50 m. de altura. Nas beiras do río crecen bidueiros e salgueiros.
Existe un miradoiro, denominado refuxio de “Augas Caídas” desde onde pode contemplarse a fermosa paisaxe que configura esta fervenza natural.
